fbpx

The Kronik 969

From the Blog

Feminst or Feminazi – Misuse of Marital Law in India

Haan to bhai sare buddhijivi guru gyaani intellectual logo ko saadar pranaam. Aapke charan sparsh karke ye baatein shuru karta hu jinhe zyadatar log bakwaas kahte hain taaki ignore karke khudki soch mein aane se rok paaye.

To baat aisi hai majority of dowry, marriage cruelty, harassment cases filed in india have risen to a great percentage lately and sad part of it all is it is being found to be being misused by women and their families to harass husbands and their family members just because of mostly stupid arguments.

To yaar ye feminism, feminazi, male female etc kuch zyada hi ho raha. Hai ke nahi. Dekho ladkiyo ko jo equal opportunity or equal treatment milni hi chahiye wo milni chahiye koi do rai nahi. Unke sath jo gandi harkat kare unhe saza honi hi chahiye. Unko freedom honi hi chahiye apni life ke sab decision lene ki. Ye sab zaroori bhi hai or sharam ki baat ye hai ki trend karke zaroori karna pad raha jabki shuru se hona aise hi chahiye tha. To kul milakr samaj itna bhola bhala maryada purshottam tha nahi shuru se hi jitna banta hai.
Hi sati nice dear… lol…

Ab baat ye hai, ki bhai apan sabki izzat karte jo sahi baat karte, sahi kaam karte, sahi vyavhaar karte. Apan ko fark ni padta ki wo ladka hai ya ladki. Pehle bhi kabhi nahi pada na ab padta hai. Lekin ye kehna ki sirf isiliye ki ek insaan ladki hai to uska sammaan hi karna padega to galat hai. Ladkiya kisi se kam nahi hoti. Main to manta hu 100 percent is baat ko. Hona bhi nahi chahiye. To guru iska matlab ye thodi ki ladki kuch bhi karde or apan sammaan kare bas kyunki karna padega nahi to sala ladka hone ke gunaah mein aisi taisi ferao life ki.

Dekho jaha bhi jiske bhi sath galt hota, anyaay hota use haq hai nyaay lene ka chahe ladka ho ya ladki.

Kuch sansthayein to aajkal bas is cheez pr lagi hui ki kaise ladko ko galat dikhana har jagah. Waise news pr aake equality ki baat karti ye sansthayein ya inko represent karne wale. For example equal hain to sabke liye barabar nyaay bolein dene chahiye, pr na, ladki ne kiya to kam saza ya nahi ke barabar kyunki wo sadiio se peedit hoti aa rahi or ladke ne kiya to desh mein logo ke jhund nikalte seedha faasi dedo police jaanch ka kya karoge. Mana bahut kharaab haal rahe desh mein ladkio pr bure vyavhaar ke but zaroori ni news pr 10 baat bata raha koi to 10 mein se 10 utni hi sach jitni aap logo ko batayi ja rahi.

Are bhai jungli ho kya?
For example aise log or aisi sansthayein jo womens rights se zyada sirf ladko or admio ko hi galt saabit karne mein lagi unse zara ye poocho.

Kai families aisi hain jaha ladkiya shadi ke baad jhoothe case karti dahej, torture, cruelty etc ke jismein kuch time pehle tak bina jaanch non bailable jail hoti thi. Sath mein ladke ki family ke boodhe maa baap to 60-70-80 saal ke hote unko bhi jail jana padta ya aise jhoothe court cases mein 10-10 saal fase rehna padta sath mein jitney rishtedar dost yaaro ka ladki naam lede sab fasein ismein. Indian law mein abhi tak koi khaas amendment hai ni aisi jo proper jaanch pr hi aise case mein judgement ho. Jo hai wo bas thodi si chooth or theek se jaanch karne ke tareeke hain jo bhi. Ab baat ye hai kai police wale or court mein log sirf aise mamlo mein isiliye ladko ko saza dete kyunki bas dikhana hain ki humne dekho ye wale cases mein women empowerment ka sath diya. Saboot zyadatar ladko se mange jaate ladkio se nahi. To ye meri samajh ke bahar hai. Ye to equality kahi se bhi ni. main yaha ladko ko sahi nahi keh raha pr ye bhi nahi keh raha har baat har ladki ki sach hoti hai aise mamle mein. Or aisa hai equality pr jhande firane walo ye baat to mujhe equal treatment kahi se nahi lagi.

To mera saadar anurodh request bheekh feminaazio se ye hai, ki equal kya aap sab upar ho ladko ke shuru se hi, maa ke bina bachche ni hote, ladke bhi ni hote na ladki hoti. Maa aurat hoti. Usse bada kiska darja hoga is duniya mein. To aap sab log jo itna equality chahte wo jaye govt ya jaha bhi or is type ke laws ko pehle theek karaye ya inhe badalwaye. Ki na sab equal chahiye bhai log. Aise humein extra marks ni chahiye paper mein kyunki hum ladki wale ya ladki hain.

Wo yaad hai na kuch saal pehle ek sardarji pr ladki jhoothe aarop lagakr bhag gayi thi khud to or us bechare bhai ki life kaisi barbaad hui thi. Wo kai saal baad ab sare aaropo se bari hai or ladki to pehle hi bhag li thi use fasake. Ye sardarji ted talk pr bhi aaye hain. Jab us ghatiya soch ki ladki ne inpr aarop lagaye the or baat viral karke inki life ki aisi taisi feri thi tab pure social media ne inko itna badnam kiya tha. Jab aaj ye sach bahar aya ki ladki ki galti thi or usne jhooth bola. To ab kaahe ni pakadke jail mein dalte ek bande ki life itne saal kharaab karne, family ko torture karne, mental and physical punishment jo hoti, harassment hoti, cruelty hui inke sath. Kaha hai wo ladki. Bulao karo sab rally ab. Ye to ek example tha. Baki aisa bahut kuch hota, ladko ke sath bhi, kai to suicide bhi kar lete aise aarop lagne par kyunki aise jhoothe aaropo ki wajah se unka or unki family ka samaaj mein jeena mu dhikana mushkil ho jata. Job chooth jati. Friends family door ho jate. Sab inhe ghatiya gunehgaar sochte. Koi inki nahi sochta. Kyu bhai, sare ladke nahi hote kharaab. Sari ladkiya bhi nahi hoti. Kehne ka matlab or is puri baat ka maksad ye kehna hai ki gender male hai ya female na dekhke jo sahi hai wo sahi hai jo nahi hai wo nahi hai. Main har us ladki ke sath hu jiske sath sach mein bura hua, or hamesha chahunga use nyaay hi mile uske sath bura karne wale ko saza. Lekin un ladkio ka kya jo ye sare law misuse karti hain or kuch ne sirf dhandha bana rakha is type ke laws ke loopholes ki wajah se.

To baat yaha pr ye nahi hai ki ladkiya galat hai. Baat yaha ye hai ki kya jo galat karke kisi bhi or insaan ko suicide keliye majboor ya uska mental physical abuse, financial abuse karta hai use sirf isiliye chodh dena chahiye ki wo ladki hai or isiliye usse koi saboot ni mangna chahiye sahi se or kya sirf isiliye saboot na sahi hone ke baad bhi jo galat judgements hoti aise cases mein sirf isiliye ki thoda fame mil jaye ki janta dekho main judge hu to maine ladki ka sath diya jabki ladki ne koi thos saboot diya nit ha par ladke ne diya tha lekin ab ispr maine 10 saal ka case chala diya hai or ise ab zindagi bhar zillat jehlni padegi, ye kitna sahi hai.

Leave a Reply

Your email address will not be published. Required fields are marked *