fbpx

The Kronik 969

From the Blog

Khushi Ka Thikana

Sochta hu kai bar kaha hogi, kaisi hogi wo aajkal,
Ghabhra bhi jata hu, ki kahi hai bhi ab ke nahi,
Yaad aati hai jab uski, muskurahat to aa hi jaati hai mere chehre par,
Jo zyadatar, bas alag sa, ajab sa, shithil sa bana rehna pasand karta hai,
Thi kabhi kareeb mere wo itni, ki laga hi nahi kabhi door bhi ho sakti hai,
Kya pata ye jo darr nahi tha mujhmein, jo wo naaraaz hokar chali gayi,
Kaise kehta use, ki pyaari wahi hai sabse mujhe,
Uske bina, adhoora hi rah gaya mann mera,
Jo chanchal hua karta tha uske sath mein, ab veerana sa, andhere mein uljhahai,
Lagta hai usko mehsoos hi nahi hua mera pyaar,
Use laga hoga, main layak nahi uske,
Kaash use keh pata main, ki nalayak hi sahi,
Lekin rahunga usika main,
Sochta hu kahi to hogi, chalo khojlu use,
Kahu use mujhe apna lo firse, khoob pyaar se rakhu use,
Kai bar khayaal mere, nikal jaate hain use dhoondhne,
Nazrein meri tanha si, pighal jaati hain use choomne,
Kahi bhi jau lekin kabhi wo mili nahi dubara,
Thak sa gaya hu,shayad takleef jeet chuki hai ab,
Isiliye talaash chorhkar, baithkar bas likh raha hu ye khat,
Sochta hu kai bar, kaha hogi, kaisi hogi wo aajkal,
Sapno si reh gayi hai ab wo bas,
Jab khulti hain aankhein, to gayab ho jati hai,
Bhool chuka hu apnana main, bhool sa gaya hu rijhana,
Par aaj bhi dhoondhta hu main, apni khushi ka thikana.

Leave a Reply

Your email address will not be published. Required fields are marked *