fbpx

The Kronik 969

From the Blog

Maksad Se Marghat Tak

Khushnaseebi thi wo meri, jo tum sabka sath mujhe mila,
Dagmagata hua chalta raha main,koshish karta badhu bina gila,
Kashmakash thi un cheekhon mein, jinka gala ghot rakha tha maine,
Aawaaz agar tum lete to kehte, itra raha hu main,
Khada raha kisi bhi tarah, ada raha jeene ke liye,
Asal jeene se tum waaqif nahi, tum jeete darr seene mein liye,
Majboori nahi thi koi, main bas ikraar ko chahta raha,
Anjaan tha khudi se main, main kirdaar nibhata raha,
Maksad mera, kabhi dil dukhana nahi tha,
Par aarop, mujh par bas yahi lagaye hain,
Mere maksad par sawaal uthaane wale,
Mujhe marghat tak kosne aye hain,
Aaj to aazaad kardena tum, in aaropo se mujhe,
Dua karunga mujhsa, tumhe mile na dubara,
Ya dua bhi chalo tum hi kar lena,
Kahi mere maksad ki taraf, fer karne lago ishara.

Leave a Reply

Your email address will not be published. Required fields are marked *