fbpx

The Kronik 969

From the Blog

Haan, Tum Sahi Ho

Part – 1

Meri galtiyaan
Bahut saaf si dikhti hain tumhe
Lagta hai nazar tumhari behtar ho chuki
Meri nazar mein dosh tha
Jo tumhe sahi paya
Wo dosh ab itna badh chuka ki
Tumhari galtiya mujhe
Meri hi lagne lagi hain
Dil bhi tumhara saaf hai
Dhool to mere dil par chadhi hai
Tumhe dhool pasand nahi
Mujhe khudse ghinn aane lagi hai
Karta hu jo tumhare liye
Wo to mera sirf farz bhar hai
Karte to tum hi ho jo gina jaaye
Kyunki tum keh dete ho tumhe darr hai
Soch meri kharaab ho chuki
Seekhte seekhte duniyadaari
Tumhari soch hi sahi hai
Kyunki tumhe duniyadari ka pata nahi
Par haan, sahi tum hi ho
Tum hi the or shayad tum hi rahoge

Part – 2

Vachan mere gina deti ho tum
Jab mauka ho meri aukaat dikhati ho
Vachan na nibhaya maine koi
Aukaat to meri kuch hai hi nahi
Mujhe tum ye to batao
Tumhari khushi mein
Kya kami chorh di maine
Main bura hu
Kyunki tumhe rokta hu galat karne se
Tum bhi sahi ho
Tumhara saathi hi hu baap to nahi
Meri burai tumhe is hadd tak dikhti hai
Ki ab to mujhe shaq hone laga hai
Ki kahi main bhramh mein to nahi ji raha
Sahi kehti ho tum
Jiski kismat mein jo likha hota hai
Use zindagi mein wahi milta hai
Mujhe shikwa tumse nahi
Tumhare khuda se hai
Ki kya main isi laayak tha?
Par haan, sahi tum hi ho
Tum hi the or shayad tum hi rahoge

Leave a Reply

Your email address will not be published. Required fields are marked *